الفنان توفيق عبد الحميد يهين المدونين في الاسكندرية

الفنان توفيق عبد الحميد يهين المدونين في الاسكندرية

في عرض مسرحيتة رجل القلعة

امبارح زي كل يوم كلمت محمد ومحمودعلشان نخرج وكانت خروجة امبارح غير اي يوم تاني فبل كده ؛

كنا متفقين اننا نروح مسرحية رجل القلعة للفنان توفيق عبد الحميد في مركز الابداع و ماخدش الموضوع اهمية ساعتها و لما كلمت محمد بالليل اكدلي اننا حنروح المسرحية وخصوصا ان الدعوة عامة ومجانية ودخلت المسرحية و الحقيقة استمتعت بالفن الجميل والديكور والاخراج والموسيقى الهايلة والقصة وخرجت منها بمعاني كتير من اهمها ان الانسان هو الذي يذهب الى العظمة مش هي اللي بتجيلة وحبة حبة اخد الموضوع شكل جد اوي وقررنا اننا نعمل لقاءات مع الفنانين المشاركين اللي كان معظمهم شباب ووجوه جديده وفعلا اتكلمنا مع مجموعة كبيرة جدا منهم وحسيت اني قدام بوست تحفه مش حيكمل غير بلقاء توفيق عبد الحميد خصوصا انه كان روعة في المسرحية دي واتعلمت منه حاجات كتير اوي المهم رحت استنى الفنان لحد ما يتكرم ويطلع ونشوف طلته البهية ونعمل الحوار معاه وخرج الفنان وحوالية الناس من كل حتة اللي عايز يتصور واللي عايز يتكلم وعلشان الدعوة كانت عامة من ابو بلاش يعني الناس العادية اللي حضرتها بصيت لاقيتلك الفنان اللي مكناش بنشوفه غير في الادوار الرابعة والخامسة- ده لو عدى من جنب الكاميرا اصلا - بيتعامل مع الناس بمنتهى الغرابة بالطبع مافيش صحفي مهم او ناقد مسرحي مهم كان موجود فالباشا اخد راحتة على الاخر وعلى عكس بقيت الفنانين اللي اتكلمنا معاهم فاخونا اللي افتكر نفسه نجم علشان عمل مسرحية لوحده رفض انه يعمل الحوار اصلا لما اكتشف اننا مدونين ومش المصري اليوم ولا الدستور ومش بس كده ده تلفظ بالفاظ غريبة جدا زي مثلا انت ساحبني على طوالة وانت مش عارف انا مين واية المدونات دي اصلا

الظاهر ان الفنانين مابيتعلموش حاجه من النصوص الللي بيعملوها و هم بيشتغلوا وبيعاملوها على اساس انها كلمتين حيرموها والسلام عادي وبينسوا بعد تغير الملابس كل حرف قالوا

يللا حتتعب دماغك على ايه هو الشعب لاقي ياكل لما يتفرج على رجل القلعة بس عايز اقولك نصيحة اخيرة لاتهتم ولا تعني بما يظهره بعض الفنانين من تواضع او حسن اخلاق بل خذ الجوهر ولا تأخذ المظهر