>
بحث مخصص

الثلاثاء، 25 نوفمبر 2008

جمال مبارك .... فاشل زي ابوة


داخل البوست :

صكوك جمال مبارك للشعب ولا للنهب
السيناريو المتوقع لتمرير المشروع
اين كانت هذه الفكرة قبل خصخة الشركات السابقة




اخر حاجه كنت اتصورها ان اسم النبي حارسه وصاينه جمال مبارك يطلع مشغول بينا ، لا وبيفكر في مصلحتنا كمان
، وان يا عين مامته سهران طول الليل في شرم هو وجيجي يفكروا حيدلعونا ازاي ...؟؟؟؟
من خبرتنا 25 سنه مع الحج والده وقابليه 7000 سنه فراعنه,فصعب جدا حد يحكم البلد دي ويكون قلبه علينا او يكون بيفكر اصلا

الموضوع غريب ومريب وعجيب !!
فجيمي من اول ما ابتدى يبقى عنده وجهات نظر ومصر بتجيب ورا ، مرة احتكار و مرة غلاء اسعار واضرابات و.. و.. و.. و كل ده من غير ما يمد ايده وسايب الطبخه للبشمهندسين عز والشله ما باللك ولوحط صوابعه فيها حتخرب اكتر من كده ايه؟!

جمال كانت غزالته رايقه على الاخر وهو بيكتب المشرع ده ، وشكل الوحي اللي جابله الفكرة عدى الاول على الباطنيه واخدله جوب معتبر هناك


والحكاية ان جمال قرر اخيرا يرجع الحق لاصحابه ، وبعيد عن هو ايه الحق؟ ومين هما اصحابه دول؟ ولا مين اللي كان واخده؟ وليه مرة واحده كده عايز يرجعه (زهق منه ولا ايه )؟ ومين اصلا اللي عين جمال موزع لحقوقنا؟
لكن واضح ان ولي العهد ناوي يبدأ عهده ببتر اخر وعود انقلاب 1952 بان نصبح دولة محترمه
السيناريو المتوقع لتمرير مشروع توزيع الصكوك على شعب مصر المنحوسه

- بعد سلق المشروع وتتبيله يعرض على مجلس الشعب وبداخل الجلسه




  1. زكريا عزمي يشدد على ضرورة وضع ضوابط لحماية الفقراءوتأمينهم وطبعا كام كلمه حلوين للريس

  2. احمد عز يؤكد على ان المشروع هو ثورة جديده (للثورجي) بتاعنا (جيمي) واننا بصدد نقله اكبر من نقل مبارايت كاس العالم .

  3. طلعت السادات يمارس هوايته ويردح ربع ساعه لعز وشلته ولو لقى الكاميرا مش زوم عليه ممكن يقلع الجزمة تاني

  4. -رجب حميده يعلن عن وجود مستندات تثبت ان المشروع اسرائيلي واسمه الاصلي (شخانيم العيزر) وتعني بالعربيه (حنجيب درفها )ومش حينسى يشتم في ايمن نور ويتهمه بتظبيط المشروع مع الحكومه

  5. نواب الاخوان يعلنوا مقاطعتهم للمشروع ويشبهوة بخيانة عبد الناصر لوعوده معهم

  6. فتحي سرور ينهي الجلسه بكلمته المشهورة ( موافقة )




في الجامعات

  1. حركة شباب من اجل التغيير تنظم مسيرة مندده بالمشروع

  2. طلاب الاخوان يهتفون مدد يا رسول الله

  3. شباب 6 ابريل يقيمون اعتصام امام مبنى جامعة الاسكندرية بالشاطبي



مانيشتات الصحف في اليوم

الاهرام : اهتمام عالمي بانجاز مبارك و جمال يؤكد: اجراءات نقل الصكوك ستتم بمنتهى الشفافيه
الاخبار :‏ الرئيس لم يبخل بجهد ولم يتردد في تطبيق المشروع
الجمهورية : الشعب المصري يرقص ويهتف بنحبك يا جمال

الدستور : باعوها ... وقعدوا على تللها

المصري اليوم : مجدي الجلاد يكتب : ماذا بعد الصك؟!

الفجر: سر الفتاة التي زارت زكريا عزمي قبل 10 دقائق من اقرار المشروع.



الشعب المصري


سيمارس هوايته هو الاخر وسيظل مشاهدا ولن يتحرك وسيواصل سكوته كما سكت من قبل عن فرعون

ولو تمخض الشعب المصري فلن يخرج اكثر من جروب

على الفيس بوك

الخميس، 20 نوفمبر 2008

sonata الجديدة كليا

سوناتا(الجديدة)
لقد ظهرت هيونداى سوناتا التجريبية والمتظر ان تكون فى الاسواق قريبا مع بداية العام الجديد وسوناتا تعد هية السيارةالسيدان المتوسطة الحجم الاولى لهذة الشركة الى انها فى فئة الكمرىفى تويوتا و اكورد فى ههوندا وستقوم الشركة باطلقها فى الصين كا اول دولة.... ومن المنتظران تنخفض اسعار السيارات فى مصر قريبا نظرا للحاله الكساد العالمى لذا ستكون سعر السيارات الجديدة الرخص من المعتداد كما توقع خبراء السيارات










تويوتا كامرى سيارة للشرطة المصرية!!!

تويوتا كمرى سيارة الشرطة المصرية


الشرطة المصرية جابت عربيات جديدة علشان يكون ليها قدرة اكبر لخدمة المواطن المصرى وخصصتهم للقاهرة الكبره علشان يكون ليها منظر جيد علشان دى العاصمة ياجماعة لزم يكون المنظر جميل مش لخدمة ظباط الشرطة وعيالة ومراتة والمدام والحبايب والفسح والمنظرة دة اكيد يعنى الدولة هتجيبلة عربية سعرها مش اقل من 450.000 علشان البلد ياجماعة وبعدين القاهرة بشوارعها الواسعة الغير مزحمة محتاجة عربات مطردة سريعة ذات جودة عالية وبسرعة وعلية الفخامة عالية لمطاردة المجرمين والله حقهم يجيبو لمرجينى ولا فرارى .وبعدين احنا مكبرينها شوية ايه يعنى لما الباشا يخلص شغل ويخد المدام ويروح يتفسح ويتمشى شوية يتعشو فى مكان ظريف ولا يخدها هية والاولاد ويروحو الملاهى ولا يروح لماما الحجة اهوة يعنى عربية ترفع من شئن ظباط الشرط دول بيتعبو والله فى خدمتنا .





الأربعاء، 19 نوفمبر 2008





اشرف توفيق..اللي مالوش خير في حاتم ..مالوش خير في مصر
(الشعب في خدمة الشرطة ) كان هذا هو العنوان الصادم لاول مقال لأشرف توفيق  في الدستور ...وهو بالمناسبه مدون جيد وصاحب مدونة اخف دم ..كما انه شاعرممتاز فاز بالمركز الاول في مسابفات مصر في القصيدة العامية اكثر من مرة .وله عدد من الدواوين .
اسلوب توفيق اشبه مايكون بكاتب السيناريو ..وهو ماستلمحة في مساهماته الصحفية في صفحات الدستورو غيرها ..
في صفحة بلكونه ومشربيه كتب اشرف موضوعا جميلا اعتقد انه سيعجبكم..تحت عنوان فيلم الاسبوع (سيناريو بقي)
يقول توفيق...
 

لم أكن أعرف أن زيارتي إلي حي «المرج» سوف تنتهي هذه النهاية الجميلة وسوف أتعلم منها ما لم أتعلمه من أمي وأبي والليالي وبرنامج «البيت بيتك»!!

وحي «المرج» لمن لا يعرفه ولم تسعفه الأيام السعيدة لأن ينظر إلي جمال طلعته البهية هو حي شعبي يقطنه الشعب «المرجي» الطيب.. يقع في أطراف القاهرة النائية حتي إنني أشعر بأن سائق المترو العزيز الذي يقلنا إلي هناك كل مرة يتوقف قبل «المرج» قليلا ليسأل أحداً من المارة: هوه الطريق كده صح؟


وكلامي ليس عن شعب «المرج» العريق ولكن عن منطقة تهملها الحكومة تماماً ولا تهتم بها ولم أسمع أبداً عن تطوير أي مرفق من مرافقها حتي إنني اقترحت من قبل أن يكون في «المرج» سفارة لمصر هناك!!

«المرج» منطقة لا ترتاح لها الكهرباء ولا مياه الشرب، وهذا بسبب بعض الحزازات النفسية بينهم!! مما أدي إلي استسلام الحي التام إذا انقطعت الكهرباء طوال الليل أو انقطاع المياه أكثر من يوم .. ورغم أن الحديث الشريف أخبرنا فيما معناه أنه من العيب أن يخاصم أحد فوق ثلاث ليال فإن المياه والكهرباء قلبهما أسود فربما خاصما أهالي الحي أكثر من أسبوع.. مما جعل أهالي الحي الطيبين- مثل كل شعب مصر الطيب- يقسمون جميعاً أن الميه والكهربا مش هيوردوا علي جنة!!

السؤال البديهي: ولماذا تذهب إلي هناك؟! والجواب البديهي: لأن «حكومتي» القادمة مستقبلاً هناك.. ومصطلح «الحكومة» يقصد به شيئان كلاهما مرّ.. ولكن كما أنه «علشان الشوك اللي في الورد باحب الورد» فبالنسبة لي «علشان حكومتي اللي في المرج باحب المرج»!!

إذن فما دخل الشرطة في الأمر؟.. كنا نستعد لركوب سيارة ميكروباص في المرج أنا ومعي «الحكومة» وأم «الحكومة» وأخوات «الحكومة».. ووجدنا واحدة بعد جهد جهيد وزحام شديد وما إن تحركت بنا هذه الكتلة المعدنية التي يطلق عليها مجازاً مصطلح «ميكروباص» حتي اقترب منا اثنان من أمناء الشرطة فتوقف الكائن المعدني.. ليقول لنا أحدهما: انزلوا ياجماعة!!

أول ما تبادر إلي ذهني أنه تفتيش مفاجئ، وإن الراجل بيشوف شغله وأخذت أدعبس في جيبي علي أي كارنيه أتمنظر بيه حتي ولو كان كارنيه قصر ثقافة.. وجهزت سيلاً من كلمات المدح وكيف أنهم هم رجالات مصر البواسل.. أسود في البر.. نسور في الجو.. وحوش في البحر.. بحرية.. بحرية.. بحرية!!

ولكن عندما نزلت من الميكروباص وجدت الابتسامة علي شفاه من معي ويبحثون بأعينهم عن ميكروباص آخر ببساطة كما أن أميني الشرطة استقلا الميكروباص لينطلق بهما!!

والحقيقة التي اكتشفتها بعد مرور ساعات من الصدمة هي أن أي أمين شرطة هناك ببساطة- وهذا شيء معتاد- يمكنه أن يوقف أتوبيساً كاملاً ويطلب من الركاب النزول ليركب هو حتي يوصله السائق إلي المكان الذي يريده ولا عزاء للشعب الغلبان الذي أمنية حياته أن يجد مكاناً في ميكروباص وأن يجد رغيف عيش من أبو شلن !!

هل أمين الشرطة يستخدم الميكروباص المغتصَب في مهمة قومية مثلا .. وهل قال للسائق عند انطلاقه: مصر محتاجالك يا أسطي!!

إذا كانت مهمة رسمية فلماذا لا يستخدم الأمين سيارات الشرطة المعتادة.. هل وصلت أزمة البنزين إلي الشرطة؟؟ وهل لا تملك وزارة الداخلية سيارات تكفي رجالها؟؟ إذن فمن أين تأتي كل هذه السيارات المصفحة والمدرعة التي تنتشر بغزارة أمطار يناير عند أول حديث هامس عن مظاهرة في ميدان طلعت حرب؟ وإذا كانت مهمة عائلية خاصة للأمين أو توصيلة مجانية لبيته فهل من حقه أن يظلم عائلات بأكملها تريد الوصول لبيتها في عز الحر، وبعد أن تتكبد الصعاب في سبيل الوصول لكرسي مهترئ في ميكروباص.. يأتي اسم النبي حارسه وصاينه لأنه يرتدي البدلة الميري فيقذف كل هؤلاء إلي حر الطريق مرة أخري؟؟

ثم ما ذنب السائق المسكين الذي خرج من صبيحة ربنا بعد أن اصطبح بساندويتش الفول الذي أصبح بجنيه وربع من غير سلطات.. ودفع مصاريف أولاده الذين يتعلمون في مدارس التعليم الذي يطلق عليه كذباً «المجاني».. ودب خناقة معتبرة مع مراته ع الصبح عشان مصاريف هدوم المدارس التي أتت مع رمضان مع العيد ليحاول بعد الخناقة أن يرمي زوجته بالزيت المغلي فيتذكر أن إزازة الزيت بقت بحداشر جنيه فيتراجع ويفكر أن يقتلها بالكهرباء، فيتذكر أن فاتورة الكهربا بتيجي نار ومش ناقصين زيادة استخدام رغم إن مفيش كهربا أصلاً في الحي كله أحيانا.. وبعد معاناة فكرية حول كيفية قتل زوجته..يقرر أن يتركها للحكومة وهيه هتتكفل بيها!!

ما ذنب هذا السائق لكي يعود إلي بيته وزوجته خالي الوفاض بعد معاناة يوم عمل شاق في خدمة سيادة أمين الشرطة؟؟ وعندما تسأله زوجته عن سبب تعبه يرد عليها متهالكا:« مصر بقت خدمتها صعبة قوي» ..باعتبار ان «اللي مالوش خير في حاتم.. مالوش خير في مصر»!!




الثلاثاء، 18 نوفمبر 2008

ذكريات ...




تري ؟؟؟...
من نقابلهم في الطريق كل يوم ؟؟؟...
اليس من الممكن ان هذا الشخص الذي يصطدم بكتفك او يمر امامك كان صديق طفولة ...
و بينكم الكثير من الذكريات البريئة ...
لكن لا احد فيكم يتذكر الأخر ...
او يتذكر وجود هذا الصديق في حياته اساسا ...
في الحقيقة و سط زحمة الشوارع هذه ...
و اختلاط الوجوه و الأجساد ...
تدرك ان الشارع هذا نفسه مر عليه الكثير و لم يعودوا ...
و هناك من كانوا يودوه و يزوروه علي قترات متقطعة ...
و هناك من نشئوا فيه ...
ثم هجروه ...
و هناك من اتي إللي هذا الشارع ...
و استقر بها ...
ليكون صديق هذا الشارع ...
و خليله الوحيد ...
و كل عقد او كل فترة ... يتغير هذا الشخص ...
و يليه ... و يليه ... و يليه ...
حتي يتحول هذا الخليل ايضا لذكري قديمة اتي بعده كثيرين ...
و فعلا ...
كما لو ان هذه الذكريات تترك بصمتها علي هذه الشوارع ... تتحول ارصفتها و مبانيها و محلاتها إلي رموز في الشموخ ... كما لو انه زاد في العمر و تحول إلي شيخ قديم ... مر امامه الكثير ...
انه لا يحمل ذكرياته فقط ... بل يحمل ايضا ذكريات جميع من مر هنا ...
هذا الذي كان يسعي مسرعا من اجل ان يلحق مصالحه و عمله ...
الحياة سرقته في طحونتها ...
و كله لهدف واحد ...
هذا الذي يسير منتكس الرأس من فسوة الزمان عليه ...
هذا الذي يسير و بعينيه يفتش في الشارع في اعين و وجوه الناس و بداخله فرحة و امل و طموح ... طموح زهرة جديدة تنبت في الحياة و شباب يأج في صدر فتي بالغ يرغب في تعلم الحياة و تغييرها ...
قبل ان تكسره الحياة و تغيره ...
حبيبان يسيران متجاورين و اياديهم متشابكة ...
بداخلهم فرحة و امل و حب ... كله يختفي خلف النظرات الباسمة و اعتصار الأيادي ...
شهد علي حب كان ... شهد علي حب استمر ... شهد علي حب جديد ينمو ...
فجأة وجد ان كل من يسير ابنائه ...
وهو في عمر اجدادهم ...
يشاهد دائرة الحزن ...
دائرة الحياة ...
تستمر في الدوران ...
تأخذ معها الجميع ...
هذا ضحية الحزن من 50 عام ... و هذا اخر الأن يذوق من نفس الكأس ...
يرغب في ضمهم ...
يرغب في ضم هذا الطفل الذي يلعب ببراءة ...
يربت بيده علي يد تلك الفتاة التي تسير منكمشة خائفة من ان تذبل و تسحقها اقدام الزحمة و قسوتها ...
يربت علي كتف هذا الشاب المنتكس الرأس و يشير له علي مكان اخر في نهاية الشارع يقف هناك من يتذكره ...
ينظر له و يتابعه بعيون مشغوفة هو الأخر ...
لكن دائرة العذاب ابت ان يتحول الشارع لأنسان و لو للحظة ...
ليمل هذا الشاب و ينهض راحلا وهو يعصر قبله حزنا بينما من يراقبه يمسح دموعه و يبتعد هو الأخر ...
و يعود هذا الطفل إلي منزله ...
يعود هذا الرجل من عمله يحمل تليفونه ... يري انه عمل جاهدا اليوم ...
و لكن من اجل من ؟؟؟ ...
ينهض خليل هذا الشارع
و الليل احكم قبضته علي الحياة
و اختفت الأصوات و الناس ...
يقف وسط الشارع الخالي ...
ينظر لمبانيه ...
حوائطه ...
محلاته ...
السحاب الذي يتحرك فوقه ...
ينظر ليده ...
يتأمل التجاعيد ...
يتمتم لشارعه ...
إننا نشيخ بسرعة يا صديقي ...

طريقة عمل سلطة كول سلو وسلطة البحر الابيض المتوسط

{ النهردة انا حتكلم عن السلطة جيبلكم نوعين من السلطات الجمدة اوى ومشهورة اوى وهيا من فات السلطة الخضرة سهلة ومفيدة ومش مكلفة يارب تعجبكم }

اولا: سلطة كول سلو


colesloue salad

{طبعا عرفنها كتير من الناس بيحبوها جدا وبيكلوها ديما عند{ كنتاكى} بس لية منكلهاش فى البيت}


الخامات :


كرنب - جزر - ميونيز - كريمة - ملح - قليل من السكر - خل -فلفل ابيض

خطوات العمل :

  1. يقطع الكرنب " جوليان " رفيع جدا ويبشر الجزر .

  2. يجهز الصوص هو عبارة عن : توضع الكريمة فى ايناء ثم يضاف الملح والفلفل الابيض وقليل من السكر وتقلب الكريمة جيدا مع صوص الميونيز .

  3. يخلط الكرنب والجزر مع صوص الكريمة ويقلب جيدا .


ثانيا: سلطة البحر الابيض المتوسط


Mediterranean Chopped Salad


الخامات :

2 خيار مقشر - 4 طماطم جمدة - 1 فلفل احمر + 1 فلفل اصفر - 1 بصل - 2 حزمة بقدونس - فلفل ابيض - عصير 3 ليمون - ملح - زيت -صنوبر

خطوات العمل :
  1. يقطع الخيار والجزر والبصل و الفلفل و الطماطم مربعات صغيرة الحجم لا تزيد حجمها عن حجر النرد ويفرم البقدونس ناعم .
  2. توضع هذة المكونات على بعض ثم نضيف عصير الليمون و ملح و الفلفل الابيض والزيت وتقلب جيدا .

  3. نقوم بغرف السلطة وبعد كدة نضيف الصنوبر .

ملحوظة : ممكن نضيف بعض المكونات الاخرا مثل الشبت والبصل الاخضر فى حاجة كمان مش شرت الصنوبر مشلازم خالص او ممكن نحط لوز مقشر. يا ريت نشوف الفيديو دة لمعرفة طرق التقطيع الصحيحة وشككككككككرررررررااااااا ...........

http://www.videojug.com/film/how-to-make-mediterranean-chopped-salad

الاثنين، 17 نوفمبر 2008

كفااااااااااااااية ياريس

{{{{{ احنا بنقولك كفااااااااااااية ياريس }}}}}



" الاغنية دى انا سمعتها وعجبتنى جداااااااا وحبيت اسمعهلكم يرب تعجبكم "


الاغنية دى عنونها كفااااااااااااية بتتكلم عن معانات الشباب والشعب المصرى عموما وانا بقدم شكر خاص للغنا هذة الاغنية الجمدة اللى نفسنا كلنا نغنية بصوت واحد و دى بتعبر عن اللى بداخلنا .


{{{ يارب تعجبكم }}}

الاهلى زرع القطن والحصد فى اليابان

استطاع النادى الاهلى ان يحصل على الكاس السادس فى تاريخه لبطولة افريقيا ويحقق انجازات عديدة ليس لها مثيل فى العالم من قبل حيث ان لا يوجد فريق حصل على بطولة قارية 3 مرت من اصل 4 متتالية ولا يوجد فريق فى العالم يذهب الى اليابان ثلاث مرات من اصل 4 ايضا كل هذه الانجازات ترفع عدد بطولات الاهلى الى 105 بطولة فى 101 عام فقط على تاسيس النادى وهذا ايضا وحد انجازا كبيرا ولا يوجد فريق فى العالم حصل على عدد هذه البطولات..
جاءت المباراة فى البداية حماسية لصالح الفريق الكاميرنى حيث سنحت له الفرصة فى الدقيقة 4 بان يضع الهدف الاول له لكن ببراعة امير لم تسكن الكرة الشباك وفى الدقيقة 12 قام الاعب عمر سنجا بتسديدة رائعة وببراعة ايضا اخرجها امير عبد الحمد وظل الفريق الكاميرونى فى حماس كبير حتى الدقيقة 25 حيث فرض الاهلى سيطرته حتى ان وضع هدفه الاول فى الدقيقة 38 من كرة عرضية جميلة من ابوتريكة ولمسة سحرية رائعة من احمد حسن تسكن شباك القطن وتصعب من ماموريته ليصبح فى ورطة لانه بذلك يريد 4 اهداف ليفوز بالبطولة..
بعد الهدف اطمان لاعبى الاهلى للمباراه فعادت السيطرة لفريق القطن حتى استطاع ان يحرز هدف التعادل فى الدقيقة 47 من الشوط الاول من شوطة صاروخية قوية بعدها اطلق الحكم صافرة الشوط الاول..

فى الشوط الثانى كان الكرة بين الفريقين حائرة حتى الدقيقة 62 حيث وضع فريق القطن الهدف الثانى وعاد لهم الامل مرة اخرى خصوصا بعد ما اضاع عمر سنجا هدف من انفرد بالمرمى وكان ذلك فى الدقيقة 64 واضاع لاعبى القطن اكثر من فرصة ليضعوا الهدف الثالث لكن براعة امير كان بالمرصاد وفى الدقيقة 82 اعطى الحكم ضربة جزاء للاهلى وسكنت الشباك لينتهى امل القطن ويحتفل الاهلى بالبطولة الغالية السادسة فى تاريخة والف مبروك....

وفى الاخر تتوقع الاهلى هيعمل ايه فى اليابان وعلى فكرة اول ماتش مع بطل المكسيك وهيكون يوم الاحد 1312

احتجاز طائرة مشجعى النادى الاهلى لساعات بعدمتش الاهلى والقطن الكميرونى

خبر غير سار بعد وكسة نادى القطن الكميرونى فى الكمرون اكيد ادارة المطار فى الكمرون عطلت طائرة العيبة والمشجعين وطلبو رسوم مغادرة علية جدا فالناس الى هناك مع النادى اتصرفو وسفرو العيبة لمصر بعد دفع الرسوم .اما عن طائرة المشجعين فلم تغادر حتى يتم 22 الف دولار اة كان على الطيارة رجال اعمال وفننين (ايهاب توفيق) مثلا بس محدش بيسافر بلمبالغ الكبيرة دى فتطوع كبتن الطيارة ب10الف دولار ربنا يخلية يارب والباقى مشعرفين هجيبوهم ازاى والسفير واتصلات وشوبير وبتاع وضيعو عليانا الكمرونين الفرحة منهم لله .وناس تعبت .والناس الحلوة دى افترشو ارض المطار . انا مشعارف اية الى حصل بعد كدة بس اكيد هنشوف النهردة اية الى حصل .... والعاقبة عندكم بلمسرات (ومبروك للاهلى وهنفرح عند فيهم)

الأحد، 16 نوفمبر 2008

صور بركات وابوتريكه وكل لاعبي الاهلي في الكاميرون




























واستنوا النهارده
احتفالات اسكندريه بفوز البطل

حتاكل اية النهاردة {طريقة عمل البيتزا}

{{{{{{{ هاااااااااااااااااااااى }}}}}}}

انا مشترك جديد فى المدونة الجمدة دى
~: انا اسمى { حسن حجاج }
~: طالب فى { المعهد العالى للسياحة والفنادق الاسكندرية \ السيوف } تخصص ادارة فنادق فى سنة ربعة
ومن هواياتى الطبخ والسيارات وانشاء الله حيكون كتابتى عن هذة المواضيع
ويارب موضوعاتى تكون هادفة وتعجبكم .
ملحوظة : شكر خاص لكل من ساهم فى انشاء المدونةالجامده دي .

$: اول موضوعاتى حتكون عن مشكلة بتواجة الناس كل يوم وهى مشكة حناكل اية النهاردة وعلشان كدة حتكلم عن شوية اكلات سهلة وبسيطة من خلال كتاباتى فى المدونة .




- انا حتكلم عن حاجة سهلة جدااااااا وهى { البيتزا } كل الناس بيحبو البيتزا ولاكن كتير جدااااااااااا من الناس بيشتروها من المحلات وميعرفوش يعملوها فى البيت رغم ان تكلفة عملها فى البيت ارخص من الجاهز بكتير وكمان ممكن نضيف اى حاجة احنا عايزنها او نشيل اى حاجة وكمان نوفر .

اولا : العجين
الخامات :
250جم دقيق - 1/2ملعقة صغيرة خميرة - 1/2ملعقة ملح - 175مل ماء فاتر - ملعقة كبيرة زيت
خطوات العمل :


  1. انخل الدقيق و اضف الخميرة والملح .
  2. احفر فى وسط الدقيق حفرة و صب الماء و الزيت.
  3. حرك الدقيق برؤوس اصابعك وافركة حتى تصبح لديك عجينة ملساء.
  4. ادهن سلطانية كبيرة بقليل من الزيت وضع العجينة فيها مدة ساعة حتى تخمر.
  5. اقلب العجين وادعكها لمدة 3 دقائق قبل الاستعمال ثم افردها حسب الطلب .


ملحوظة : نسب المكونات تكفى لعمل بيتزاية وحدة وبزالك نضاعف النسب حسب الكميات المطلوبة والالتزام بالنسب هام

جدا علشان تتطلع تمام ممكن نضيف حجات حسب الرغبة زى شمر او حبة البركة حجات بتتدى طعم جامد .

ثانيا : صلصة الطماطم
الخامات :
5فصوص ثوم مهروس - زيت - صلصة طماطم - ملح - فلفل
خطوات العمل :



  1. سخن الزيت فى المقلاة ثم اضف الثوم المهروس على نار هدية الى ان يحمر قليلا .
  2. اضف صلصة الطماطم و القليل من الماء والملح والفلفل واتركة ليغلى حتى النضج .

{دى اهم ومكونات البتزا وبعد كدة مش حنختلف على الحشو }

{{{ بيتزا مارجريتا }}}

الخامات :

عجينة البيتزا - صلصة الطماطم - زيتون - جبن موتزاريلا - طماطم حلقات - فلفل اخضر حلقات

خطوات العمل :

  1. ادهن قالب البيتزا بقليل من الزيت وتفرد عجين البيتزا .
  2. ضع صلصة الطماطم وتفرد بحيث لا تلمس حواف القالب .
  3. ضع الجبن الموزاريلا المبشورة وتفرد .
  4. تزين البيتزا بحلقات الطماطم والفلفل الاخضر والزيتون .
  5. تسوى البيتزا فى الفرن على درجة حرارة عالية حتى النضوج .
ملحوظة : دى الطريقة المعروفة للبيتزا المرجريتا بس ممكن نضيف حجات تنية حسب الرغبة مثل جبن رومى
اوجبن ركفورحسب الطلب .



{{{{ وبل الهنا والشفا }}}}


بلال فضل ......الكتابه لتخدير الالم......

الكاتب المصري الساخر بلال فضل كاتب له دائما نكهة مختلفة..وفكره المغاير يثبت في كل لحظة ان هذا البلد ((لسه ))بخير..بلال الذي يعد اشهر كتاب جيله واكثرهم موهبة ..بدا يلمع نجمه عندما عمل سكرتيرا ل تحرير الدستور الاصدار الاول وظلت صفحة البريد التي ابتكرها في الجريدة تحظي بأوسع جدل ممكن ..الامر الذي انعكس علي شعبيته وسط جماهير الصحافة ..والتي ازددات يوما بعد يوم.

وعندما بدأيكتب للسينما والتليفيزيون اتسعت دائرة معرفة الناس به اكثر واكثر ,علي الرغم ان هذه التجربة لم تضف كثيرا الي اسم فضل ,وكذلك انها اخذته من الصحافة لفترة زمنية طويلة ..فأختفت (قلمين) من الدستور_الصفحة الساخرة التي كان يكتبها فيي الجريدة_ بعدما كان قد اختصرها من قبل هذا الالغاء الي مقالة يومية صغيره تجمل نفس الاسم _قلمين _ وظل كذلك حتي عاد للكتابة مرة اخري ولكن هذه المرة في المصري اليوم ..وبمشاركة كاريكاتير عمرو سليم والذي كان علي ا ختلاف كبير مع الكاتب في فترة سابقة .
بلال فضل نشر في المصري اليوم مقالة تحت عنوان اصطباحة ...وبعيدا عن الانفاس او اي ايحأت قد تتبادر للاذهان اترككم مع اصطباحة بلال التي ربما خدرت مشاعركم لفترة من الوقت تكون كفيلة بأن تنسيكم تلال الهموم التي اعتدنا عليها حتي اصبحت صديقتنا..فلا نستطيع ان نعيش بغيرها..
يقول بلال فضل.....

على وجه مصر سحابة سوداء، خنقت البلاد، وكبست على نَفَس العباد. 

أناس من أولاد الحلال يقولون إنها طالت واستحكمت حلقاتها، لم تستمر سحابة سوداء فى العالم مدة ٢٧ سنة.. بينما يرى غيرهم أن «أكتر من كده وربك بيزيح».. آخرون يرون الأمل كالكذب خيبة، لكنهم يضيفون - من باب الدقة - أن عمر تلك السحابة اللعينة هو ٣١ سنة، كل سنة أسخم من التى قبلها وأرحم من التى تليها، بينما يحلف آخرون أكثر يأسا على المصحف والإنجيل أن تلك السحابة بلغت من العمر ٥٦ سنة، وهى بذلك لديهم تجاوزت السن التاريخية للانقشاع، وصارت قدرا لا فكاك منه. 

لكلٍ وجهة هو موليها، أما أنا فأقسم لكم بحياة هذا الصباح الشريف، وحياة النعمة التى يحفى الفقير ليطولها، وحياة بحر إسكندرية الذى ما تمنيت قدامه أمنية وخذلنى، وحياة الأمهات اللواتى ما فوّتن صلاة الفجر يوما على أمل أن تحضرن ساعة توزيع الأرزاق دون أن تيأسن أبدا من تأخر وصولها، وحياة قصص الحب التى لم تنهزم على كوبرى قصر النيل أو فى نفق الزواج، وحياة خيال الأطفال وواقعية الآباء الذين لم تكسر قلة الحاجة هيبتهم.

 وحياة الزرع الأخضر الذى يرفض التطبيع مع المبيدات، وحياة دوشة ماكينات الطعمية وهدير ماكينات غزل المحلة بعد إضراب ناجح، وحياة روائح الطبيخ وهى تشغى فى المناور التى لم تهزمها قماءة المواسير، وحياة شاى العصارى فى البلكونات النضيفة التى لم تبهدلها الكراكيب، وحياة صالات البيوت التى لم تخنقها الكآبة، وحياة نوادى الفيديو التى تعايشت مع زحف السيديهات واستمرت فى إسعاد المخنوقين.

 وحياة العيش البلدى المحمص، إن استطعت إليه سبيلا، وحياة القهاوى الزحمة والأتوبيسات الرايقة فى المواقف، والمواقف المحترمة المكتوبة بروقان، وحياة غنا منير وصوت أنغام ومزيكة عمار الشريعى وأفلام وحيد حامد ومسلسلات أسامة أنور عكاشة وشعر الأبنودى وتشخيص الفخرانى وقصص محمد المخزنجى ونقاء محمد السيد سعيد وسحر أحمد خالد توفيق وسخرية جلال عامر وسمانة أبوتريكة وعقل هيكل وحس علاء الديب فى الدنيا، وحياة عيال وبنات ساقية الصاوى وستة أبريل وكفاية ورسالة وزاد وفاتحة خير وجروبات الـ«فيس بوك» الذين قد لايحبون بعضهم البعض، مع أنهم كلهم على بعضهم يتحبوا لأن شكلهم يفرح، حتى لو كان بعض كلامهم يضايق، وحياة المنفيين فى الأقاليم الذين ينتظرون أن يحل فرج الله على العاصمة، وحياة السكان الأصليين لمصر الذين يفضلون الغرق فى بلادهم على الغرق خارجها. 

بلاش ياسيدى، وحياة ربنا المعبود الذى يحب الصابرين، إذا صبروا، أقسم لكم أن هذه السحابة السوداء التى كبست على نَفَس مصر ستغور، وأنه سيطلع علينا صباح لن نرى فيه هذه الوجوه الكريهة التى كانت تكذب أكثر مما تتنفس، فصارت تكذب ولاتتنفس، وأن مصر سترزق بصباح تستحقه، وساسة على قد مقامها، وأيام يمكن احتمالها، وأكاذيب يمكن بلعها.

وفساد يمكن التعايش معه، وتخلف له أول من آخر، وأنه سيأتى على مصر صباح يفوق فيه المصرى لنفسه ويتكسف على نفسه عندما يرى كيف أصبح حاله ويقرر ألا ينازع الخالق فى حكمه على البشر ويتفرغ لدوره الذى نسيه كمخلوق، صباح يصبح فيه ضرب مواطن فقير على قفاه ألعن من الخيانة العظمى، صباح يعيش فيه المصريون إما فقراء على القد دون أن يفقدوا الكرامة والستر، وإما أغنياء على راحتهم دون أن يفقدوا الإحساس والضمير.

سيأتى هذا الصباح، أنا أضمن لكم ذلك برقبتى، وأنا رقبتى أكبر من أى سدادة تتخيلونها.. لكننى، للأمانة ولكى لا أخدعكم، لا أضمن لكم متى سيأتى، ولا إذا أتى متى يمكن أن ينتهى فتداهمنا سحابة سوداء من جديد، أنتم تضمنون ذلك بأنفسكم ولأنفسكم، أما أنا فأعرف فقط أن ذلك الصباح سيأتى حتماً ولزماً، ومصر إذا شمت هواءه النضيف لن تفرط فيه أبدا. 

ربنا كريم ومصر تستاهل.

السبت، 15 نوفمبر 2008

الاهلي بكره في بكره في الكاميرون ... سلملي على ايتو

اهلى اهلى اهلى.......... تتوقع الاهلى بكره حيفوز كام
انا عن نفسى متوقع 2\1 للاهلى.

الجمعة، 14 نوفمبر 2008

محمد منير في مكتبة الاسكندريه بكره


اذا كان هناك ملكا للغناء فمحمد منير

بلا منازع قد تُوج
على قلوبا ملكا واميرا اسرا ومثتأثرا
بتمزيجنا وطربنا

واذا كان هناك خدام للاغنيه فتامر حسني طبعا

تكرما وتعطفا من الزمن جعله بائع متجول

على رصيف الاغنيه الهابله( قصدي) الهابطه

***

والملك حيعيش ملك ويموت ملك وحيُخلد ملك

والخدام حيعيش خدام ويموت خدام

ولو ربنا كرمه حيبقى سواق ميكروباص (عتبه , عتبه , عتبه .......... )

*******

الكينج عامل حفله بكره

في مكتبة اسكندريه

انا عن نفسي رايح

اكيد الكينج مجهز مفاجأت

لجمهور اسكندريه اللي بيعشقهم

************

ملحوظه

صرح مصدر مسطول( اقصد) مسؤل

ان حفل تامر الجاي حيكون في موقف الحضرة

ووحياة امي مانا جايله

toyota tundra 2009/تويوتا توندرا 2009

toyota tundra 2009

عندما اعلن المارد اليابانى(تويوتا) اعتزامهة على دخول عش الدبابير لصناعة الشاحنات الامركية المتميزة فيها و شكك الكثير من المراقبين في قدرة تلك الشاحنة على منافسة الأسماء الأمريكية الكبيرة في هذه السوق مثل فورد وشيفروليه ودودج، لكن سرعان ما أثبتت تويوتا توندرا قدرتها على المنافسة بل والتفوق على الخبرة التى تميز بها الشركات المنافسة
وقام المارد بانفاق المليارات على انشاء احدث مصنع شاحنات فى العالم بمدينة سان أنطونيو بولاية تكساس فى اميركا .وهذا يجعل منها اقوى شركة بين شركات السيارات باميركا التى تفرض سياستها على العالم كلة!!!.

* المتور:
وتطرح تويوتا شاحنتها توندرا في ثلاث فئات وفقاً لحجم المحرك.
  1. الاول يتكون من ثماني أسطوانات على شكل حرف في بسعة 5.7 لتر وهو أقوى محرك على الطلاق فى هذة الفئة.
  2. الثانى بمحرك يتكون من ست أسطوانات على شكل حرف في وسعته 4.7 لت.
  3. الثالث يتكون أيضاً من ست أسطوانات على شكل حرف في ولكن سعته تصل إلى 4 لترات فقط.

*ويتفق الخبراء على أن المحرك الكبير في تويوتا توندرا الذي يعطي قوة قدرها 381 حصاناً ومزود بنظام لنقل الحركة يعطي ست سرعات يمكن التنقل بينها آلياً هو الأقوى في عالم الشاحنات حمولة نصف طن.

*الامان: كما تم تزويدها بمجموعة من الوسائد الهوائية الأمامية والجانبية وواحدة في السقف لضمان الحماية الكاملة للركاب. وإلى جانب كل هذا يوجد نظام للتحكم الإلكتروني في الاتزان الذي يتيح للسائق تحقيق أقصى قدرة من السيطرة على السيارة وفتم تزويدها بنظام متطور للمكابح يجمع بين تكنولوجيا منع الانزلاق والمكبح الرباعي الذي يتحكم في العجلات الأربع مع وجود نظام متطور لتوزيع قوة الكبح على العجلات.

*التجهيزات الداخلية:
*تكيف.*كونسول علوى بة كمبيوتر رحلات ومزود بنظام متطور لتحديد الموقع العالمي عبر الأقمار الصناعية (جي.بي.إس).ويوجد بها نظام متطور للملاحة البرية مع آلة تصوير خلفية تتيح صورة بانورامية للطريق حيث تعرض صورتها على الشاشة الامامية .* كما ان له القدرة على استيعاب 6 اشخاص داخله مما يجعله سيارة عائلية مميزة


*نظام التعليق: كما أن نظام التعليق المتطور في توندرا يعتمد على تحقيق تناغم كامل بين مقدمة السيارة ومؤخرتها مع القدرة على امتصاص الاهتزازات أثناء السير في الطرق الوعرة.


*رئى الخاص: اولا مش محتاجة رئى ولا حاجة العرية اخدت احسن عربية فى الفئة دى وهية لسة بتئول يهادى ومسحت دودج وفورد باستيكة يعنى مش محتاجة كلام هية احسن تصميم وموتور وفخامة وتليق (للمتبعين هية دى العربية الى قلت انها احسن من الرام ..) طبعااا دى من تويوتا . والجى رابط على اليو تيوب هيعرفك انها احسن عربة ولا لا .(وياريت انتو تدورو على الاعلانات بتعتها)

http://www.youtube.com/watch?v=4uH_qnCCBY0&feature=related

الخميس، 13 نوفمبر 2008

لا قطن ولا كتان الاهلى رايح اليابان

تتجه انظار جماهير مصر كلها يوم الاحد المقبل الموافق 16 من نوفمبر 2008 مباراة مصيرية تحدد من يحمل كاس البطولة الغالية فى افريقيا وبطولة ال 5 مليون دولار وطريق اليابان ..

ويقول التاريخ ان هذه البطولة هى المححبة لدى الاهلى وقد حصل عليها 5 مرات متساويا مع النادى الزمالك المصرى فهل يحصل عليها لسادس مرة ويتفوق على الزمالك ام يدخل فريق القطن الكاميرونى التاريخ ويفوز بهذه البطولةالغالية لاول مرة فى تاريخهم الكروى والذى لم يتعدى ال 25 سنة وتكون نكسة للكرة المصرية كلها...

تقابل النادى الاهلى مع نادى القطن 4 مرات من قبل فاز الاهلى فى 3 وتعادل الفريقين فى واحدة كانت عام 1996 فى البطولة نفسها وكانت هذه المباراة فى دور فى ذهاب دور التمهيدى لكن الاهلى عاد فى القاهرة فى لقاء الاياب ولقنهم درسا كبيرا بفوزه عليهم 5_0 فى احلى مباريات الاهلى فى تاريخه..الاهلى سيدخل اللقاء بالتشكيلة الاتية : امير عبد الحميد فى حراسة المرمى وامامة وائل جمعة وشادى محمد واحمد السيد وفى اليسار جلبيرتو واليمين احمد صديق وفى الوسط حسام عاشور واحمد حسن امامهم بركات وفى الهجوم ابوتريكة وفلافيو ...


واشارت الصحف العالمية والافريقية وحتى الكاميرونية ان الاجدر بالفوز بهذه البطولة هو الاهلى المصرى وان الفريق الكاميرون لن يستطيع مجاراة الاهلى فى النهائى نظرا لقوة الاهلى فى نهائى اى بطولة ونتمى فوز الاهلى والعودة بالكاس ونزرع القطن فى النجيلة الكاميرونية

الأربعاء، 12 نوفمبر 2008

اغنية الحدود لفريق الاصدقاء

اغنيةالحدود لفريق الاصدقاء


واحنا فايتين ع الحدود

مستمرين في الصعوود

اختفى النيل الجميل من تحتنا

و المدن و الريف و أول عمرنا

و ابتدى شيء ينجرح جوه الوجود

و ابتدينا أسئلة ملهاش ردود

ميلنا عالشباك نخبي

دمعة فرت مننا


باصة مالشباك على البحر البعيد

واحنا داخلين بالأمل عالم جديد

كنت فاكرة يا مصر اني زهقت منك

و إكتشفت إني محال أستغنى عنك

حتى دوشة صوت جيراني

و الزحام وحشوني تاني

بسمة حلوة لطفلة صغيرة

لما كنت أديها حتة سكرة

قبل مانفوتك وحشتينا

يا مصر يا أمنا

و ابتدى شيء ينجرح جوه الوجود

و ابتدينا أسئلة ملهاش ردود

ميلنا عالشباك نخبي

دمعة فرت مننا


كنت بتذكر و أنا في غاية الأسى

لعبنا الكورة في حوش المدرسة

و الشقاوة واحنا لسة صغيرين

و البراءة و الصحاب الطيبين

لما سألتني اللي جنبي

إنت مصري ؟؟...دق قلبي

زي نسمة مهفهفة بصوت الآذان

أيوة مصريين لآخر

كل نقطة في دمن

و ابتدى شيء ينجرح جوه الوجود

و ابتدينا أسئلة ملهاش ردود

ميلنا عالشباك نخبي

دمعة فرت مننا


.....الى نهاية الاغنية ودة رابط الاغنية على اليوتيوب


* الحكاية انى سمعت احمدحلمى والسقة كانو بيغنوها مع اشرف عبد الباقى فى برنامج الدار فى حلقتين مختلفتين وعجبتنى وقلت اما اجبهالكم


السبت، 8 نوفمبر 2008

شيفورلية اوبترا (2009)


شيفورلية اوبترا(2009)



قبال كل حاجة عاوز اوصلكم معلومة ممكن يكون فية حد مش فهمها وهية ان شيفورلية اوبترا الموجودة فى مصر. هية الامتداد للدايو نوبيرة ...ازاى ..شركة دايو الكورية المعروفه اشترتها جنرل موتورز الامريكية فبقى تابعة لهذا الكيان فقامت جنرل موتورز باصدار هذة السيارة فى اوروبا مثلا باسم(chevy lacetti)وفى كوريا (Daewoo lacetti) وتحت اسماء شريكات متعددة واسماء متعددة ومنها مصر طبعا زى ما احنا عرفين تحت اسم شيفورلية اوبترا يعنى العربية دى من الاخر اصلها كورية الصنع يعنى ممكن تقول الى عملوها شركة دايو لكن بتتغير اسماء الشريكات الى بتنزل باسمائها واسم السيارة نفسه . علشان محدش يستغرب ان فى الصور عليها علامة دايو.

* مجموعة المواتير التى تاتى كخيارات مع السيارة

1/1600سى سى -16صمام-112 حصان ...ودة يفرق عن الحالى ب5حصان
2/1800سى سى - 140 حصان ..ودة ملناش دعوة بية دة مش هيجلنا مصر
3/200 سى سى - 150 حصان ..جاز مش بنزين ومش هيجى
*رئى الخاص . التصميم دة شكلة حلو من برة واتطور كتير عن الى قبلية وهتعمل شغل زى المديل الى قبلة بس الوجهة الخلفية للعربية لو ركزتو هتلقوها شبة هينداى النترا وبلزات الفوانيس المتور / قامو بتطويرة وزادت ل 112من 107 يعنى كاقوة حصانية كدة احسن وبلزات والعربية مليانة العربية دى بل شكل دة هيكون ليه ضغط فى مصر وهتئسر على الكورى وبلاخص الالنترا وهيزيد سعرها شوية دة توقع يا يصيب يا يخيب. الطبلوة شكلة اكثر عمليا وجمال جااامد

البوم وائل جسار الجديد نزل يااااا رجالا

انا اول اهتم انى اسمع شريط لجسار كامل .الى حصل كا الاتى اول اغنية بان عليك وكانت الكمات والالحان جمدة و التوزيع والتانية ان كنت ناوى على السفر نفس الحكاية قلت فى بالى الشريط دة جامد ولا اية كملتة للاخر عجبنى وبقالى يومين بسمعة وتقريبا قدامى مرتين كمان وممكن اسمعة غيبا
ياريت تسمعوة وتعلقو برئيكم فى التعليق..مع انة مش هيغير حاجة بس
قلت اشوف هوة انا لوحدى ولا اية

الجمعة، 7 نوفمبر 2008

استفتاء ..

صراحة ياجماعة انا حاسس ان البلوج عاوز صحوة وشوية نعنشة والاعضاء نايمين شوية وانا نفسي اعمل حاجات كتييييير بس وانا بفكر اكتب ايه ببقي مشتت جدا لكثرة المجالات وكمان عشان انا لو مسكت موضوع هجيب كل حاجه عنه يعنى ممكن موضوع واحد يطول ويبقى اجزاء كتير فانا ان شاء الله هاعمل استفتاءات على الموضوعات اللى ممكن افيدكم بيها وعلى حسب ماتحبوا...
اول حاجة عاوز اشوف ارائكم فى واحد من المواضيع دى
(اللى هاتكون كاملة مكملة وحصرية لحلاوة روح)


1-دورة فوتوشوب كاملة (كل ماتحتاجه لتتقن لفوتوشوب)
2-افتح فى موضوع برامج وثيمات ونغمات والعاب الموبايلات وكلام من ده (وياريت اللى عاوز الموضوع ده اعرف يقوللى تليفونه جيل تانى وللا تالت)
3-موضوع عن احسن 1000 كتاب ف التاريخ
4-برامج كمبيوتر ووويندوز
5-اللى عاوز يفتح نقاش فى اى موضوع معين يطرحه واحنا موجودين ان شاء الله - خلى العملية تسخن شويه بقي-
اخيرا ياريت تقولو انتو عاوزين ايه بسرعة وياريت كل واحد حتى لو معندوش وقت يشارك يعلق على الناس اللى بيشاركو عشان يشجعهم او على الاقل يحاول ينشر المدونة بانه يعرف اصحابه عليها او ينشرها فى توقيعاته فى المنتديات او اى طريقة يشوفها...

الأربعاء، 5 نوفمبر 2008

أول مرة .. اكشن ...

عاوز ترقص مع اوباما ؟؟
نفسك تلعب سلة مع بوش او ماكين ؟؟
انا لاقيت الموقع اللذيذ ده اللى هيخليك تعمل فيهم اللى انت عاوزه بكل سهولة .. وقلت اشارككم بيه ..
وشوفو انا عملت بيه ايه ..
Try JibJab Sendables® eCards today!
دلوقت لينك الموقع >> يا اما تدوس على كلمة ecard اللى فوق أو اضغط هنا وعييييييييييش

الثلاثاء، 4 نوفمبر 2008

كلسنة وانتم طيبين ( بمناسبة الفلنتين)

happy valentiens day
دىمعانى (انابحبك) اشهر لغات العلم


English -
I love you


French -
Je t'aime, Je t'adore


German -
Ich liebe dich


Hindi -
Hum Tumhe Pyar Karte hai


Japanese -
Aishiteru


Latin -
Te amo


Turkish -
Seni Seviyorum

الاثنين، 3 نوفمبر 2008

مساء الخير ياجماعة...انا بسمة والحقيقة اسم على غير مسمى طبعا دى مش قضيتنا المهم انى انضميت للمدونة فى الفترة الاخيرة
وعندى افكار كتيييرة ناوية اقدمها
اولا: الخواطر اللى بكتبها بنفسي
ثانيا :انا ناوية اعرض المشاكل اللى بنعانى منها كشباب واللى بتعانى منها البلد عن لسان تامر وشوقية اللى كلكم عرفنهم
وهنعرف وجهة نظر تامر وقصادها وجهة نظر شوقية
وياريت ياجماعة تشاركونى بتعليقاتكم
انتظرونى....
                                                                          فصل البكاء    
التقينا لنفترق.....
                        افترقنا لنحترق...   
انتهينا ابتدينا..ارتضينا او غضبنا
لا ابالى مادمت معى..مادامت عيناك امامى فلما اهتم بالشمس...
مادمت ارى وجهك فلما انتظر الفجر...
مادمت اسافر فى عينيك فلما اشتاق الى البحر
انتهي يا ايتها الامواج..
انطفئ ايتها الشمس..
اهجرنى ايها الفجر..
                    فلا ابالى 
ساظل معك ولو كنت اقسي من برد الشتاء
ساظل معك ولن ادعكى تبكي ايتها السماء
                                       ساظل هنا
حتى لو اغتيلت الطفولة   
                          حتي لواغمضت عينى طيلة حياتى..
                                                   فلن لتنازل عن دور البطولة
                                       واعلم 
سينتهى فصل البكاء
                   ويعود الضوء
                            وتبتسم عين السماء
                                       وتنقشع عن السهل الغيامة السوداء
                                         ان احببتنى 
سوف اتنفس تحت البحار 
                       اهاجر مع الاسماك
                                    او 
ارقص مع الزهور 
....
فبعد حبك لايوجد مستحيل 
                                 سوف ابقى
                                       مادامت عيناك
                                  ساظل رغما عنك او برضاك
                                 
                               سوف ابقى
                                    احتلالا او خيالا
                               
                                 سوف ابقى
                                    مادمت لا تكرهنى 
 
                                  سوف ابقى
                           
                                     كى لا يعود ..فصل البكاء 
اعشقنى كما انا 
اعشقنى على سذاجتى 
اعشقنى على بدائيتى
اعشقنى ولا تبالى 
مادمت انا هنا وانت هنا....
دعنا نتر ك الحياة ولا نبالى
                                                                                          
                                                                                     كتبتها:-
                                                                                واحدة مهدور دمها

حلاوة روح

اختبار الحب الحقيقي

اختبار الحب

اختبار الحب بين شخصين ... اكتب اسم الشخص الاول ثم اسم الشخص الثاني واضفط على احسب ... تكتب الأسماء بالحروف الإنجليزية فقط.

+ =

searsh