احداث الدويقة ..... ١٠٦ قتلي المحصلة النهائية لكارثة الدويقة
اضراب 6 ابريل ... قتل واصابة العشرات من عمال المحلة
مصر بتولع بينا ... حرائق كثيرة ومتعددة بدأت بمجلس الشورى ثم المسرح القومي ومجمع محاكم الجيزة الى مقر حزب الغد
اخيرا ..........
حصار غزة
2008 احفظ الرقم ده كويس لاني مفتكرش انك حتشوفه تاني على صفحات اي مدونة او جرايد .
بقالي ساعة قدام الكيبورد اكتب كلمة وامسح اتنين مش لاقي حاجه اوصف بيها السنه اللي فاتت ساعات بحس انها احسن سنه في حياتي ففيها انشأنا المدونة دي ونزلى اول موضوع في جريدة صوت مطروح وحبة ارجع ادور على (قلة) اكسرها وراها واقول دي سنه نحس بنت .... فيها (دبلرت) لاول مرة في حياتي.
وفيها كمان .......
لاول مرة تخرج جماعة شبابيه من قلب مصر -6 ابريل- ويحصل اول اضراب مصري -بجد- في العصر الحديث وللاسف في نفس الوقت انضرب عمال المحلة واتبهدلوا لانهم طالبوا بابسط حقوقعم
في السنة دي اتحرق مجلس الشورى والمسرح القومي ومقر حزب الغد وحلة اللحمة اللي كنت بطبخها اول امبارح
وكمان انضرب بوش بالجزمةعلى ايد صحفي عراقي جدع والمدونة طلعت في برنامج الحياة اليوم واتصيتنا والحمدلله
ولسادس مره السنه دي نفوز بأمم افريقيا ونحطم الرقم القياسي ومتكملش الفرحة ويخرج الاهلي من اليابان بنفس القوة اللي كسبنا بيها في افريقيا .
؛ وصل بارك اوباما للبيت الابيض ويكون اول رئيس اسود من اصول اسلامية يحكم امريكا وبعديها بشهر انضربت غزة علشان تنتهي السنه بنهاية زي الزفت
ربنا يستر من 2009
ليست هناك تعليقات:
إرسال تعليق