أول مرة .. اكشن ...

عاوز ترقص مع اوباما ؟؟

نفسك تلعب سلة مع بوش او ماكين ؟؟

انا لاقيت الموقع اللذيذ ده اللى هيخليك تعمل فيهم اللى انت عاوزه بكل سهولة .. وقلت اشارككم بيه ..

وشوفو انا عملت بيه ايه ..

Try JibJab Sendables® eCards today!

دلوقت لينك الموقع >> يا اما تدوس على كلمة ecard اللى فوق أو اضغط هنا وعييييييييييش

مساء الخير ياجماعة...انا بسمة والحقيقة اسم على غير مسمى طبعا دى مش قضيتنا المهم انى انضميت للمدونة فى الفترة الاخيرة

وعندى افكار كتيييرة ناوية اقدمها

اولا: الخواطر اللى بكتبها بنفسي

ثانيا :انا ناوية اعرض المشاكل اللى بنعانى منها كشباب واللى بتعانى منها البلد عن لسان تامر وشوقية اللى كلكم عرفنهم

وهنعرف وجهة نظر تامر وقصادها وجهة نظر شوقية

وياريت ياجماعة تشاركونى بتعليقاتكم

انتظرونى....

التاااااااااااااااااااااااج .............اول مرة اتثبت التثبيته دي

اول مرة اتثبت التثبيته دي

مساء الخير كان نفسي اشوفكوا في ظروف احسن من كده لكن جالي تاج ومن حد عزيز عليه (ايمي) والتاج كل الاسئله اللي فيه اصعب من امتحان الفيزياء

1. اذكر 16 صفة عن نفسك؟

يانا يابا يا ما 16 مره واحده

1. شرقي جدا لدرجه تعباني
2. عصبي
3. مليان متناقضات
4. عندي احساس دايما ان نهايتي سوده
5. مش رومانسي مع اني بحب احسان عبد القدوس ويوسف السباعي جدا
6. بحب القرايه جدا
7. لساني طويل حبه
8. بحب اقعد لوحدي كتير وفي نفس الوقت بحب اخرج كتير
9. صعب اني احب
10. الاصعب اني اقتنع باللي بحبها
11. بكره اسرائيل والراجل اللي حاكمنا
12. متسرع
13. بحب السفر
14. بحب الاصحاب الجدعه
15. كسلاااااان اوي
16. شكرا

2- اذكر احلام تخص ماضيك كنت حتتخلى عن اية و تتمسك بأية لحد دلوقتى؟

كان نفسي اكتب واتشهر اوي( ولحد دلوقتي بكتب بس ) وكان نفسي ادخل معهد السينما بس دخلت حقوق ( مش عارف ايه حكاية الكليه دي ) وكان نفسي اكمل مع كهرمانه علشان حبتني بس انا طلعت واطي وكان نفسي اكمل مع اشكي علشان حبتها بس هي طلعت واطيه (اتخطبت )

مفتكرش اني ندمان على حاجه (الحمد لله) الحاجه الوحيده اللي لسه في دماغي اني ادخل معهد السنما بعد ما اخلص

3-اذكر احلام تخص مستقبلك و ما تتمناة ؟

عايز اتجوز البت اللي في دماغي وحموت واكون رئيس جمهوريه ان شاء تلات ايام بس ونفسي المدونه تشهر اوي

-اذكر شخصين على الاقل موجودين فى حياتك كنت اتمنى و جودهم فى حياتى من قبل كدا؟

الشربتلي والصغير

-اذكر شخصين غير موجودين فى حياتك و تتمنى و جودهم مستقبلا فى حياتك و حيات اولادك؟

البت اللي متنيل على عيني وعايز اتجوزها والشخص التاني لسه مقبلتوش

وشكر خاااااااااااااااااااص جدا

ايمي

صاحبة مدونة بحب السيما

وبهدي التاج

لشيري صاحبة مدونة ابحث عن ذاتي

معلش على التاخر

معلش ...اتاخرت عليكم فى كتابة اى حاجة ويمكن اكون نسيت انى عامل مع صحابى مدونة انتو عارفين بقى دخلت فى كعبلت مشروع فى الكلية وامتحانات اعمال السنة وبعد كده امتحانات اخر الترم اصل انا فى كلية بنت .....ولابلاش ليكون حد مراقبنا او حد سامع او حتى حد يقوله اصل اطول خبر فى مصر بيتعرف بعد خمس دقائق وحتى من غير الكلية فى حد يكون له نفس يكتب فى الغلاء ده ياناس دي كل حاجة غلية ياراجل حتى السجائر طب البنزين 90&92 للاغنياء طب السجائر مابيشربهاش غير الاغنياء بس ميهمش كلوا كلام فى الكلتش كل الخنقة والتعب دي الا المشكلة الاساسية مع احلى حاجة فى حياتى ورغم ان المشاكل مع (البنت) بتفضل وكل يوم بتزيد مشكلة بس احب اطمنكم مش هسبكم تانى لو اراد ربنا يعنى هكتب هكتب وانتو معانا بتعليقتكوا مع السلامة باااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااى.

يالا نرحب tata

ذي ماتفقنا من الاول
حلاوة روح مش بس مدونه
وعلشان نثبت ان الكلام ده بجد و مش تصاريح حكومه
النهارده بينضم لحلاوة روح الشاب الجامد tata و على فكره اللي ميعرفش tata يبقى هو اصلا مبيعرفش ( احم احم ) متفهمش غلط انا قصدي مبيعرفش حاجه عن الدنيا اللي اهنا عايشنها ولا عن القرايه اصلا و كفايه عليا رخي لحد كده و اسيبك مع tata

معكم من هذا الفضاء الانترنتي الواسع ......ومحدش ليه كلمه عليه

لا مؤاخذه .
كان لازم ابدا في البوست اللي فات (اللي هو اول بوست)سلامات وعاملين ايه وحبة الحبشتكانات ديه وانا كنت ناوي والله ومحضر حبة اسطوانات تحيه وحب اروش من البيت بيتك نفسه بس لما شفت الصوره مع ابراهيم (صاحبي) جاتني حالة تجلى صحفي مفاجأ مقدرتش استنى وبعدين ملحوقه تتعوض مساء الفل او صباح مش فارقه .
وبص يا سيدي انا حنجزلك الحوار واقريك على الليله كلها الاول لما جاتني فكرة المدونه ديه ( حلاوة روح ) كان نفسي نتلم انا واصحابي في حاجه تلمنا بدل السنكحه في الفيس بوك والمنتديات والشات واللي شجعني ان انا والصغير والشربتلي كل واحد مننا عنده اهتمامات غير التاني واصحاب مووت بيني وبينك اللي شجعني على المدونه اكتر مش كده وبس انما المساحه الاعلاميه الهاي اللي ميديهالنا الحج BLOGSPOT ربنا يكرمه وانك تكتب الي انت عايزه بمزاجك مش بمزاج حد تاني حاجه كده تفكرك بالزمن الجميل ايام المرحوم حريه الراي والمواطن الهي يفشفش الطوبه اللي تحت راسهم , المهم مكدبتش خبر ورحت قلت للصغير وهو كمان مكدبش خبر وراح قال للشربتلي وعلى الشمندوره ( قهوه اسكندراني ) ظبطنا الكلام
وعلى رائي حسن (صاحبي ) دول بقوا اكتر من الارزلكن المدونه ديه حاجه تانيه كذا لون من الكتابة انا والصغير والشربتلي كمان انفرادات وملفات جريئه بتفتح وربنا يقدرنا (ويستر) وتحقيقات يعني من الاخر حالة تنفيس صحفي بدل ما تجيلنا تخمة او تقدر تقول حلاوة روح واكيد حسيتوا ده من البوست الاول ولسه كتير

ومن هذا الفضاء الانترنتي الواسع اعلن ابتداء اول مدونه جرناليه (اللي هي ابتدت اصلا ) على مزاج اصحابها ومحدش ليه كلمه عليا .

واشوف وشكم بخير
باي