اول مرة اتثبت التثبيته دي
مساء الخير كان نفسي اشوفكوا في ظروف احسن من كده لكن جالي تاج ومن حد عزيز عليه (ايمي) والتاج كل الاسئله اللي فيه اصعب من امتحان الفيزياء
- اذكر 16 صفة عن نفسك؟
يانا يابا يا ما 16 مره واحده
- شرقي جدا لدرجه تعباني
- عصبي
- مليان متناقضات
- عندي احساس دايما ان نهايتي سوده
- مش رومانسي مع اني بحب احسان عبد القدوس ويوسف السباعي جدا
- بحب القرايه جدا
- لساني طويل حبه
- بحب اقعد لوحدي كتير وفي نفس الوقت بحب اخرج كتير
- صعب اني احب
- الاصعب اني اقتنع باللي بحبها
- بكره اسرائيل والراجل اللي حاكمنا
- متسرع
- بحب السفر
- بحب الاصحاب الجدعه
- كسلاااااان اوي
- شكرا
2- اذكر احلام تخص ماضيك كنت حتتخلى عن اية و تتمسك بأية لحد دلوقتى؟
كان نفسي اكتب واتشهر اوي( ولحد دلوقتي بكتب بس ) وكان نفسي ادخل معهد السينما بس دخلت حقوق ( مش عارف ايه حكاية الكليه دي ) وكان نفسي اكمل مع كهرمانه علشان حبتني بس انا طلعت واطي وكان نفسي اكمل مع اشكي علشان حبتها بس هي طلعت واطيه (اتخطبت )
مفتكرش اني ندمان على حاجه (الحمد لله) الحاجه الوحيده اللي لسه في دماغي اني ادخل معهد السنما بعد ما اخلص
3-اذكر احلام تخص مستقبلك و ما تتمناة ؟
عايز اتجوز البت اللي في دماغي وحموت واكون رئيس جمهوريه ان شاء تلات ايام بس ونفسي المدونه تشهر اوي
-اذكر شخصين على الاقل موجودين فى حياتك كنت اتمنى و جودهم فى حياتى من قبل كدا؟
الشربتلي والصغير
-اذكر شخصين غير موجودين فى حياتك و تتمنى و جودهم مستقبلا فى حياتك و حيات اولادك؟
البت اللي متنيل على عيني وعايز اتجوزها والشخص التاني لسه مقبلتوش
وشكر خاااااااااااااااااااص جدا
ايمي
صاحبة مدونة بحب السيما
وبهدي التاج
لشيري صاحبة مدونة ابحث عن ذاتي
هناك 3 تعليقات:
يا عينى يا عينى يا عينى على الولاد يا خوفى بعد إجاباتك دى اروح انا و انت فى داهية
و بعدين مين كهرمانة دى طلعتلك من الفنوس السحرى الى طلعتةعلشان تلعب بية فى رمضان
بس اهم حاجة يا حديدى انك طلعت زمل فى كلية الحقوق للجميع
و اية اللي تاعبك في شرقيتك؟
اعتقد هي وسام على صدرك في عصر غلب على الشباب فيه التميع و الامركة
تحياتي
نرد بأه
ايمي
لا مطلعتش من الفانوس دي طلعت من المدرج وبجد احسن حاجه اننا زمل في الكلية (انتي عملتي ايه في النتيجه)
كلبوزه
اهو موضوع التميع والامركه ده بالظبط اللي تعبني في شرقيتي
إرسال تعليق